Flokkur 4

Dýraafurðir með kryddum

Í flokknum dýraafurðum með kryddum má finna uppskriftir sem henta þeim sem eru á carnivore-fæði og geta leyft sér að nota krydd til að bragðbæta mat. Oft eru kryddin ekki borðuð beint heldur tekin úr matnum áður en hann er borinn fram t.d. heilar kardimommur, heill engifer, kryddjurtir, negulnaglar o.fl.

Hvaða matur telst til dýraafurða með kryddum?

  • Allt kjöt (naut, svín, lamb, geit, kjúklingur, kalkúnn o.fl.) og innmatur (hjarta, lifur, nýru o.fl.)
  • Allur fiskur og skelfiskur (þorskur, ýsa, lax, túnfiskur, humar, rækjur, kræklingur o.fl.)
  • Egg (t.d. hænu- og andaregg)
  • Hreinar mjólkurvörur (t.d. hreint skyr, hrein jógúrt, kotasæla, ostar, rjómi, mjólk o.fl.)
  • Smjör
  • Þurrkuð krydd (óreganó, timjan, paprikuduft, cumin, kanill o.fl.)
  • Fersk krydd (chili, kóríander, basilika, engiferrót, hvítlaukur o.fl.)
  • Edik (eplaedik, borðedik, hvítvínsedik o.fl.)
  • Chilisósur (sem eru í grunninn edik og chili, ekki úr tómat)
  • Ósætt sinnep